Господи Боже наш, Иже неизреченною Твоею мудростию создавый человека, и от персти сего возобразивый в вид и доброту украсивый: яко честное и небесное стяжание, в славословие и благолепие Твоея славы и Царства, за еже по образу и по подобию сего привести: но понеже заповедь преступи Твоего повеления, прием образ и не сохранив, и сего ради да не зло безсмертное будет, человеколюбно повелевый разрешения сему, и нерушимей сей узе, яко Бог отцев, Твоим Божественным хотением отсещися, и разытися, и телу убо от нихже сложися разытися, души же тамо преселитися, идеже и ежи быти прияла есть, даже до общаго Воскресения: сего ради молимся Тебе Безначальному и Бессмертному Отцу, и Единородному Твоему Сыну, и Пресвятому Твоему Духу, да от тела разрешение Аллы во упокоение сотвориши. И аще что в ведении, или не в ведении приразися Твоей благости: или под клятвою священническою бысть, или своя родители преогорчи, или клятву преступи, или в мечтания демонская и волхвования студная впаде, завистию лукаваго демона, прощения от Твоея неизреченныя благости моля: ей, Владыко Господи Боже, услыши мене грешную и недостойную рабу Твою в час сей, и разреши рабу Твою Аллу нестерпимыя сия болезни и содержащия его горькия немощи, и упокой его, идеже праведных дуси. Яко Ты еси упокоение душ и телес наших, и Тебе славу возсылаем, Отцу и Сыну и Святому Духу, ныне и присно и во веки веков. Аминь
Надеюсь на помощь! Она очень мучается!
Отредактировано GataSalvaje (2009-03-31 20:40:49)